Isa sa mga pinaka-inaabangan ng mga mag-aaral ang Literary Costume Parade, kung saan suot ng mga bata mula Kindergarten hanggang Grade 6 ang kanilang malikhaing kasuotan bilang pagbigyang-buhay sa mga karakter mula sa iba’t ibang aklat at kuwento. Mula sa mga engkanto at alamat, hanggang sa mga paboritong modernong karakter sa aklat pambata, napuno ang paaralan ng kulay, saya, at imahinasyon.

Bukod dito, nagsagawa rin ng iba’t ibang reading-related contests tulad ng storytelling, reading comprehension challenge, poster-making, at character impersonation. Layunin ng mga patimpalak na ito na mapalawak ang interes ng mga mag-aaral sa pagbabasa at ipakilala ang kahalagahan ng literasi sa pang-araw-araw na buhay.

Nagpahayag ng pasasalamat ang pamunuan ng paaralan sa mga guro, magulang, at mag-aaral na aktibong nakiisa sa buong buwan ng selebrasyon. Ang matagumpay na Culminating Program ay patunay na ang Gotamco ES ay patuloy na nagsusulong ng kulturang nagmamahal sa pagbasa—isang hakbang tungo sa mas matatag na kinabukasan para sa bawat batang Gotamco.