Matagal nang isinasagawa ang double shift sa paaralan dahil sa kakulangan ng mga silid-aralan at pasilidad. Ngunit matapos ang halos limang taong paghihintay at konstruksyon, tuluyan nang natapos ang mga bagong gusali ng paaralan. Dahil dito, bawat guro ay mayroon nang sariling silid-aralan, mas nagiging maayos ang daloy ng pagtuturo, at mas komportable ang mga mag-aaral sa kanilang pagkatuto.

Buong puso ang pasasalamat ng Gotamco Elementary School sa Pamahalaang Lungsod ng Pasay sa kanilang patuloy na suporta sa edukasyon. Taus-pusong pasasalamat rin sa aming Punongguro, Gng. Lea Marcelo, sa kanyang pamumuno at dedikasyon para maisakatuparan ang pagbabagong ito. Pinasasalamatan din ang lahat ng guro, kawani ng paaralan, mga opisyal ng SPTA, at mga katuwang mula sa iba’t ibang sektor na tumulong at naging bahagi ng tagumpay na ito.